पावनखिंड संग्राम स्मृती यात्रा : साहसी रात्र मोहीम २०१९

महाराष्ट्रातील आद्य एक दिवसीय आणि साहसी रात्र मोहीम

पन्हाळगड ते पावनखिंड ही मैत्रेयची वैशिष्ठ्यपूर्ण साहसी रात्र मोहिम.

डॉ. अमर अडके यांच्या मोहीमेचे हे ३७वे वर्ष... शेकडो इच्छुकांमधून आपणास या इतिहास आणि भूगोलाच्या वास्तव आणि ज्वलंत अनुभूतीच्या मोहीमेत सहभागी होण्याची संधि मिळाली यासाठी आपले अभिनंदन आणि बहुसंख्येने पूर्ण केल्याबद्दल मनस्वी अभिनंदन. आपला अमाप उत्साह आणि जिद्द याला मैत्रेयचा मानाचा मुजरा.

     मैत्रेयच्या गडकोट चळवळीचा मानबिंदू असणाऱ्या या आद्य रात्र मोहिमेची इतिहास आणि भूगोलासह आपण ज्वलंत अनुभूती घेतलीत.

हा शिवचरित्रातील रोमांचकारी पर्वाचा आयुष्यभराचा ठेवाच जणु

     चंद्रपूरापासून ते चिपळुणपर्यंत

     नाशिकपासून ते सांगलीपर्यंत

     परभणीपासून ते पुण्यापर्यंत

आणि बेळगाव, कऱ्हाड अशा सर्वदूर महाराष्ट्राची एक साहसी धारातीर्थ यात्रा असेच मोहीमेचे स्वरूप होते. म्हणूनच कोल्हापूर तसेच महाराष्ट्रातुन आलेल्या सर्व साहसवीरांना मानाचा मुजरा.

व्हाईट आर्मीचे जवान आणि ऍस्टर आधार रुग्णालयाचे वैद्यकीय पथक यांचे मानावे तेवढे आभार थोडेच आहेत.

       संपूर्ण मोहिमेच्या दिमाखदार यशस्वीतेचे सर्व श्रेय मैत्रेयच्या कार्यवाहांसह, संचालक, संघनायकांचे अमाप कष्ट यालाच आहे हे निर्विवाद.

मैत्रेय अशा संघनायकांचा अभिमान बाळगते. हीच मैत्रेयची खरी उर्जा आहे . महाराष्ट्रातील सर्वात प्रदीर्घ परंपरेच्या, लष्करी शिस्तीच्या आणि इतिहास आणि त्याच्या भूगोलाच्या अस्सल अनुभूतीच्या मोहीमेत सहभागी झाल्याचा अभिमान बाळगा.

आणि सज्ज व्हा मैत्रेयच्या आगामी चाकोरीबाहेरच्या नव्या दुर्गमोहीमेला. तपशील लवकरच आपल्या भेटीला. तोपर्यंत अभिनंदन

डॉ. अमर अडके