महाराष्ट्रातील पहिल्या एकदिवसीय आणि अखंड रात्र पावनखिंड मोहीमेची सुरुवात ‘मैत्रेय प्रतिष्ठान’ ने केली. या मोहीमेचे जनकत्व मैत्रेय प्रतिष्ठानकडे जाते. म्हणूनच ‘महाराष्ट्रातील आद्य एक दिवसीय आणि अखंड रात्र मोहीम’ हे बिरुद आम्ही सन्मानाने आणि अभिमानाने मिरवतो… त्याचा हा मागोवा. सन १९८३ साली आमची पहिली ‘पन्हाळा ते पावनखिंड’ मोहीम. हाताच्या बोटावर मोजता येतील एवढेच सहकारी बरोबर. मार्गाची दुर्गमता, अननुभव यामुळे वाटेत आंबेवाडी येथे मुक्काम त्यामुळे दुसर्‍या दिवशी पावनखिंडीत पोहोचलो मग हाच प्रघात पडला. दरम्यान प्रतिवर्षी जसजसा अनुभव येत गेला त्या आधारे काही वर्षांनी महाराष्ट्रातील पहिली एक दिवसीय मोहीम सुरु केली. ही आद्य एकदिवसीय मोहीम होय.एक दिवसीय मोहीमेच्या अनुभवावर मग रात्र मोहीमेचे प्रयत्न सुरु. आणि मग साकारले महाराष्ट्रातील पहिल्या ‘साहसी रात्र मोहीमेचे ’आयोजन. हीच महाराष्ट्रातील ‘आद्य रात्र मोहीम’ होय. मग खर्‍या अर्थाने इतिहास अनुभुतीसाठी रात्र मोहीम विकसित आणि सातत्यपूर्ण आयोजन. गेली तब्बल ३७ वर्षे सुरुवातीला दोन दिवसीय, मग एकदिवसीय आणि मग रात्र मोहीम असा पावनखिंडीचा प्रवास व्रतस्थपणे अप्रतिहत करत आहोत.

मोहीमेचे नियोजन आणि तयारीचा तपशील लवकरच सादर.

संपर्क : राजेश पाटील, कार्यवाह