गेली 37 वर्षे महाराष्ट्र तसेच इतर राज्यांतील गडकोटांची भटकंती सुरू आहे. ‘चारशेचोपन्न’ किल्ले आजपर्यंत पायी फिरून अभ्यासले आहेत. हे किल्ले़ त्यांची रचना़वैशिष्ठये़ इतिहास़ आसमंत यांसह छायाचित्रित केले आहेत. अशी दुर्मिळ तेराहजार छायाचित्रे आजपर्यंत काढली आहेत. शिवछत्रपतींच्या कर्तृत्वाने पावन झालेले हे हे गडकोट म्हणजे आपली स्फूर्तीस्थळे आहेत. त्यांचे दर्शन आबालवृध्दांना व्हावे़ त्यांच्यात राष्ट्रभक्तीची प्रेरणा निर्माण व्हावी या हेतूने यातील निवडक छायाचित्रांचे एक भव्य प्रदर्शन तयार केले. हे वैशिष्ठयपूर्ण प्रदर्शन अनेक ठिकाणी सादर केले. सर्वच ठिकाणी उदंड प्रतिसाद मिळाला. आजपर्यंत हे छायाचित्र प्रदर्शन कोल्हापूऱ, कागल, निपाणी, बेळगांव, सावंतवाडी, इचलकरंजी, गारगोटी, जळगांव, राहुरी, रोहा, पुणे, सातारा, अहमदनगर तसेच विजयदुर्ग महोत्सव, शिवदुर्ग पन्हाळा महोत्सव, कणकवली पर्यटन महोत्सव आदी अनेक ठिकाणी सादर केले आहे. या माहीतीपूर्ण प्रदर्शनास आजपर्यंत राजकीय नेते, मंत्री तसेच श्रीमंत छत्रपती शाहू महाराज, श्रीमंत छत्रपती कल्पनाराजे सातारा, श्रीमंत छत्रपती उदयनराजे भोसले, श्रीमंत युवराज संभाजीराजे आदि शिवरायांच्या राजवंशजांसह शिवशाहीर बाबासाहेब पुरंदरे, प्रसिध्द हॉटेल व्यावसायिक विठ्ठल कामत तसेच अभिनेता नाना पाटेकऱ, गायक अरूण दाते अशा अनेक मान्यवरांनी आवर्जून भेट देऊन कौतुक केले आहे.